ملګري ملتونو وایي، په افغانستان کې تل پاتې سوله هغه مهال شونې ده، چې افغانان خپلو کې خبرو ته سره کېني او سوله وکړي.

د جمهور آژآنس د خبر له مخې دغه څرګندونې په افغانستان کې د ملګرو ملتونو سیاسي دفتر خپل مرکزي دفتر ته په استولي راپور کې کړې دي.

دغه راپور چې په نیویارک کې د ملګرو ملتونو مرکزي دفتر ته سپارل شوی، ټینګار شوي، چې تلپاتې سوله د بین الافغاني مذاکراتو په صورت کې ممکنه ده.

ملګري ملتونه دا څرګندونې په داسې حال کې کوي چې له تېرې اوونۍ راهیسي د قطر په پلازمینه دوحه کې د امریکایي او طالب پلاوي ترمنځ خبرې روانې دي.

په دې خبرو کې د غیر رسمي سرچینو له قوله پام وړ پرمختګ شوی دی خو رسمي جزییات یې لا هم نه دي په ډاګه شوي.

جمهورخبري آژانس:کابل