د لوګر د پارلماني ټاکنو وروستۍ پایلې هم اعلان شوې

25 حمل 1398 ساعت 9:19

د ټاکنو خپلواک کمېسیون د لوګر ولایت د پارلماني ټاکنو وروستۍ پایلې هم اعلان کړې او له دغه ولایت څلور تنو ولسي جرګې ته لار کړې ده.


د ټاکنو خپلواک کمېسیون د لوګر ولایت د پارلماني ټاکنو وروستۍ پایلې هم اعلان کړې او له دغه ولایت څلور تنو ولسي جرګې ته لار کړې ده.

د جمهور آژانس د خبر له مخې یاد کمېسیون تېره شپه (د وري ۲۴مه) ناوخته مهال د یوې خبرپاڼې په خپرولو سره د لوګر پایلې اعلان کړې دي.

د کمېسیون د اعلان سره سم، محمد خالد مومند، شاه پورخان حسین زی، محمد آصف نبي زی او هما احمدي له لوګر ولایته ولسي جرګې ته لار کړې ده.

باید و ویل شي، چې د ټاکنو خپلواک کمېسیون تر اوسه پورې د ۲۶ ولایتونو د پارلماني ټاکنو پایلې اعلان کړې، خو د کابل په ګډون د ۹ نورو ولایتونو پایلې لا هم نه دي اعلان شوي.

دغه کمېسیون څو ورځې وړاندې ویلي، چې روان اوونۍ په د یو شمېر نورو ولایتونو پایلې هم اعلان کړي خو اوس یې یوازې د لوګر ولایت اعلان کړې دي.

د یادونې وړ ده، چې پارلماني ټاکنې د تېر ۱۳۹۷ کال د تلې میاشتې په ۲۸ مه او ۲۹ مه نېټه تر سره شوې خو لا هم د ټولو ولایتونو پایلې نه دي اعلان شوې.

جمهورخبري آژانس:کابل
 
 


د مطلب کود: 115439

دمطلب پته: https://www.jomhornews.com/ps/news/115439/

جمهور
  https://www.jomhornews.com