قرغزستان د افغان سولې په برخه کې همکاري کوي

31 حمل 1398 ساعت 8:37

د قرغزستان ولسمشر سورن بای جاني بېکوف وايي، هېواد یې چمتوی دی، چې د افغانستان د سولې د ټیګښت په برخه کې مرسته وکړي.


د قرغزستان ولسمشر سورن بای جاني بېکوف وايي، هېواد یې چمتوی دی، چې د افغانستان د سولې د ټیګښت په برخه کې مرسته وکړي.

د جمهور آژانس د خبر له مخې ښاغلي بېکوف دغه څرګندونې د افغانستان د بهرنیو چارو وزارت له سرپرست وزیر صلاح الدین رباني سره په کتنه کې کړې دي.

د بهرنیو چارو وزارت څخه خپره شوې خبرپاڼه وايي، ښاغلي رباي پرون جمعه د وري ۳۰ مه قرغزستان کې له ولسمشر بېکوف سره لیدلي دي.

په خبرپاڼه کې په دې اړه نور جزیات نه دي ورکړل شوي خو ویلي یې دي دواړو لورو د افغانستان د سولې او ځینو اقتصادي پروژو په اړه خبرې کړې دي.

خبرپاڼه زیاتوي ښاغلي رباني د قرغزستان له حکومته غوښتي، چې د کاسا ۱۰۰ پروژې په سر ته رسولو کې مرسته وکړي دي.
صلاح الدین رباني همدا راز د قرغزستان، ازبکستان، افغانستان او چین ترمنځ د رېل ګاډي د پټلۍ د جوړېدو له پروژې سره د بشکیک همکاري غوښتې ده.

سرچینه زیاتوي د قرغزستان ولسمشر هم د افغانستان د سولې او دغه راز د اقتصادي اړیکو د پراختیا په برخه کې ډاډ ورکړی دی.

جمهورخبري آژانس:کابل
 
 


د مطلب کود: 115653

دمطلب پته: http://jomhornews.com/ps/news/115653/

جمهور
  http://jomhornews.com