سیمه ییزه چارواکو هرات ولایت کې د سیمه ییزه پاڅونوالو سره جګړه کې د یوه طالب ولسوال په ګډون د پنخو طالبانو د وژل کېدو خبر ورکړی دی.
چارواکي وايي، د سیمه ییزه پاڅونوالو او وسله والو طالبانو تر منځ نښته تېره شپه(د غوايي ۱۸مه) د هرات ولایت د فارسي ولسوالۍ د سفېدان په کلي کې شوې ده.
د هرات د پولیسو ویاند عبدالاحد ولي زاده
جمهور خبري آژانس ته و ویل، چې په دغه نښته کې د هرات د کوه زور ولسوالۍ لپاره نومول شوی طالب ولسوال ملا نادم له خپلو څلورو ملګرو سره وژل شوی دی.
د هغه په وینا ملا نادم په فارسي ولسوالۍ کې له طالبانو سره د مرستې لپاره ورغلی و، چې په جګړه کې و وژل شو.
طالبانو تر اوسه په دې اړه څه نه دي ویلي.
باید و ویل شي، چې فارسي ولسوالۍ کې له تېرې یوې اوونۍ راهیسې له طالبانو سره د افغان ځواکونو او سیمه ییزه پاڅوانوالو نښتې پيل شوې دي.
جمهورخبري آژانس:هرات