د روسیې ولسمشر ولادیمیر پوتین او د امریکا د بهرنیو چارو وزیر مایک پمپیو د نورو مسایلو تر څنګ د افغانستان پر روان وضعیت هم خبرې اترې کړې دي.
د جمهور آژانس د خبر له مخې پوتین پرون سه شنبې د غوايي ۲۴ مه په سوچي ښار کې د امریکا د بهرنیو چارو وزیر سره کتلي دي.
راپورنه وايي، دواړو لورو د ایران، وینزویلا، سوریې، اوکراین، شمالي کوریا تر څنګ د افغانستان د وضعیت په اړه هم خبرې کړې دي او په افغانستان کې یې پر سوله او ثبات ټینګار کړی دی.
د روسیې ولسمشر ویلي چې د افغانستان وضعیت حساس دی او د امریکا او روسیې ترمنځ په دې برخه کې نږدې همکاري کولی شي دغه هېواد ته سوله او ثبات راولي.
پوتین د سولې خبرې مهمې بللې دي او وایي طالبان په افغانستان کې پیاوړي شوي دي نو د دې اړتیا ده چې هلته روانه ستونزه حل کړل شي.
د روسیې ولسمشر پوتین او د امریکا د بهرنیو چارو وزیر مایک پمپیو د افغانستان په برخه کې د همکاریو پر رامنځ ته کولو هم ټینګار کړی دی.
باید و ویل شي، چې پمپیو د خپل روسي سیال سرګي لاوروف سره هم د افغانستان د روان وضعیت، سولې او ثبات په اړه هم خبرې کړې دي.
د امریکا د بهرنیو چارو وزیر، چې امریکا او روسیه په ګډه په افغانستان کې سولې او ثبات ته ژمنه ده، ځکه په وینا یې روسیه د افغانستان له ادارسه د ترهګرۍ له ګواښ سره مخ ده.
نوموړي لاورف ته ویلي، چې دوی د هغه څه په اړه چې د دواړو هېوادونو ګټې په خوندي وي او اوسېدونکي یې په امن کې وي همکارۍ ته چمتو دي.
د روسیې د بهرنیو چارو وزیر سرګي لاروف هم ویلي، چې مسکو او واشنګټن په افغانستان کې سولې او ثبات ته ژمن دي، او هڅه کوي، چې د افغانستان له ادارسه په سیمه کې د ترهګرۍ ګواښ کم شي.
لاوروف ټینګار کړی، چې د سیمې او نړۍ هېوادونه په افغانستان کې د تل پاتې سولې او ثبات لپاره هڅه کوي، چې د دغه هېواد ستونزه د سیاسي لارې حل شي.
جمهورخبري آژانس:کابل
