د افغانستان د سولې عالي شورا د دارالانشا رییس او د سیمه ییز اجماع په برخه کې د ولسمشر ځانګړی استازی عمر داودزی په یوه رسمي سفر جرمني ته تللی دی.

د جمهور آژانس د خبر له مخې ښاغلي داودزي نن چهارشنبې د غوايي ۲۵ مه له جرمني چارواکو سره پر افغان سوله او د سولې په تړاو د مشورتي لویې جرګې خبرې کړې دي.

نوموړي په یوه ټوېټ کې ویلي، چې له جرمني چاروکو سره په لیدنه کې د سولې مشورتي لویې جرګې د پایلو او سپارښتنو په سر ټینګار وشو.

ښاغلي داودزي د جرمني د بهرنیو چارو له مرستیال وزیر نایلس انین سره کتلي او دواړو ټينګار کړی چې د سولې مشورتي لویې جرګې پایلې او سپارښتنې به د سولې لپاره یوه تګ‌لاره وګرځي.

جمهورخبري آژانس:کابل