کابل کې د امریکا متحده ایالاتو سفیر جان بس د افغانستان د ولسمشرۍ ټاکنو پر شفافیت ټینګار کړی دی.
د جمهور آژانس د خبر له مخې بس په په ټویټر کې د افغانستان د انتخاباتو له خپلواک کمیسیونه غوښتې دي چې د دې انتخاباتو د بودجې غم وخوري.
هغه ویلي کمېسیون دې په په کومو برخو کې چې مامورین کم وي هغه دې پوره کړي، خپل کسان دې وروزي او د ښځو د تلاشي لپاره دې مېرمنې استخدام کړي.
د امریکا سفیر دغه ټوېټ وروسته له هغې کړی، چې پرون د افغانستان د ټاکنو کمسیون رسمآ اعلان وکړ، چې د تلې شپږمه به یوازې د ولسمشرۍ ټاکنې وکړي.
د کمېسیون مشرې حوا علم نورستاني و ویل، چې د تخنګي او مالي ستونزو له امله نه شي کولی د ولایتي او ولسوالیو شوراګانو او د غزني د ولسي جرګې ټاکنې هم د ولسمشرۍ له ټاکنو سره یو ځای تر سره کړي.
نوموړي ټینګارو کړ، چې د د ولایتي او ولسوالیو شوراګانو او د غزني د ولسي جرګې ټاکنې او د ترسره کېدو نېټه به یې بل وخت اعلان کړي.
جمهورخبري آژانس:کابل
