د جلال آباد لپاره د داعش د جلب و جذب مسوول وژل شوی دی

12 جوزا 1398 ساعت 12:01

سیمه ییز چارواکي وايي، پولیس د ننګرهار ولایت په مرکز جلال آباد ښار کې د داعش ترهګرۍ ډلې د جلب او جذب مسوول وژلی دی.


سیمه ییز چارواکي وايي، پولیس د ننګرهار ولایت په مرکز جلال آباد ښار کې د داعش ترهګرۍ ډلې د جلب او جذب مسوول وژلی دی.

د جمهور آژانس د خبر له مخې دغه داعشي مسوول پرون شنبې د غبرګولي ۱۱ مه ماښام مهال د پولیسو په یوه سیار چیک پوسټ کې وژل شوی دی.

د ننګرهار والي شاه محمود میاخېل وایي، وژل شویو داعشي نجیب الله د محمد نعیم زوی او د ننګرهار ولایت د چپرهار ولسوالۍ د حافظانو د کلي اوسېدونکی وو.

والي زیاتوي، داعشي نجیب الله د ندیم په نوم شهرت درلود او په ‌‌‌جلال اباد ښار کې د داعش د جلب وجذب مسوول او هم په ترورستي پيښو کې لاس درلود.

نوموړی وایيو دغه کس په یو سیار چیک پوست کې مخکې له دې چې پولیسو باندې د ریکشا نه ‌‌‌‌‌‌ډزې وکړي، پولیسو وواژه.

تر اوسه داعش په دې اړه څه نه دي ویلي.

جمهورخبري آژانس:کابل
 
 


د مطلب کود: 117005

دمطلب پته: http://jomhornews.com/ps/news/117005/

جمهور
  http://jomhornews.com