ننګرهار کې چاودنې دریو پولیسو ته مرګ ژوبله اړولې ده

22 سرطان 1398 ساعت 12:39

سیمه ییز چارواکي وايي، ننګرهار ولایت کې د یوې چاودنې له امله درې تنه پولیسو ته مرګ ژوبله اوښتې ده.


سیمه ییز چارواکي وايي، ننګرهار ولایت کې د یوې چاودنې له امله درې تنه پولیسو ته مرګ ژوبله اوښتې ده.

د جمهو آژانس د خبر له مخې دغه چاودنه نن شنبې د چنګاښ ۲۲ مه سهار مهال د ننګرهار مرکز جلال آباد ښار کې رامنځ ته شوې.

د ننګرهار د والي ویاند عطاالله خوږیاڼی وایي، چاودنه د پولیسو په رېنجر موټر پسې د مقناطسي ماین له امله د کابل اډې ته څېرمه رامنځ ته شوې ده.

نوموړي زیاته کړه، په دغه چاودنه کې یو پولیس وژل شوی او دوه نور ټپیان شوي، چې د درملنې په موخه روغتون ته لېږدول شوي دي.

تر اوسه د چاودنې مسوولیت چا پر غاړه نه دی اخیستی.

دا په داسې حال کې ده، چې پرون د ننګرهار ولایت په پچیراګام ولسوالۍ کې د واده پر مراسمو هم ځانمرګی برید وشو او مرګ ژوبله یې اړولې ده.

د ننګرهار چارواکي وايي، برید د یوه هلک له خوا د ملک تور د زوی د واده په مراسمو شوی، چې له امله یې د ملک تور او دریو زامنو په ګډون یې پنځه تنه وژلي او تر ۴۰ پورې ټپیان شوي دي.

جمهورخبري آژانس:ننګرهار
 
 


د مطلب کود: 118247

دمطلب پته: http://jomhornews.com/ps/news/118247/

جمهور
  http://jomhornews.com