پکتیا کې یو خبریال وژل شوی او مړی یې موندل شوی دی

23 سرطان 1398 ساعت 10:31

پکتیا ولایت کې د یوې سیمه ییز خصوصي رادیو یو خبریال نادر شاه صاحبزاده د نامعلومه کسانو له خوا وژل شوی او مړی یې موندل شوی دی.


پکتیا ولایت کې د یوې سیمه ییز خصوصي رادیو یو خبریال نادر شاه صاحبزاده د نامعلومه کسانو له خوا وژل شوی او مړی یې موندل شوی دی.

د جمهور آژانس د خبر له مخې خبریال نادرشاه وړمه شپه(د چنګاښ ۲۲مه) وژل شوی او مړی یې د همدې شپې په سهار د مرکز ګردیز ښار اړوند د اریانا پمپ په سیمه کې خپل کور ته څېرمه موندل شوی دی.

نادرشاه صاحبزاده د ګردیز غږ په نوم د سیمه ییزه خصوصي راډیو خبریال و.

د دغه رادیو د نشراتو د مسوول امین الله امیري وايي، صاحبزاده تېره ورځ له راډیو کور ته په لار و، چې ورک شوی او نن سهار یې د ګردېز اړوند په آريانا پمپ سيمه کې خپل کور ته څېرمه مړى موندل شوى دى.

اميري وايي د صاحبزاده کورنۍ کومه شخصي دښمني نه درلوده او نه ورته کوم چا يا ډلې ګواښ کړى دى.

د پکتیا پولیسو پېښه تایید کړې، خو په اړه یې نور جزیات نه دي ورکړي، ولې زیاتوي، چې په اړه یې څېړنې روانې دي.

جمهورخبري آژانس:پکتیا
 
 
 


د مطلب کود: 118275

دمطلب پته: http://jomhornews.com/ps/news/118275/

جمهور
  http://jomhornews.com