کورنیو چارو وزارت تاییدوي، چې د پروان ولایت مرکز چاریکارو کې ځانمرګی برید شوی، خو د مرګ ژوبلې په اړه یې معلومات نه دي ورکړي.
د
جمهور خبري آژانس د خبر له مخې دغه برید نن سه شنبې د وږي ۲۶ مه غرمه مهال ۱۱:۴۰ بجې د چاریکارو ښار د لومړۍ حوزې په اړونده سیمه کې شوی دی.
د کورنیو چارو وزارت ویاند نصرت رحیمي وايي، په موتر سایکل سپور ځانمرګي بریدګر د لومړۍ حووزې د تربیوي مرکز په لومړي قرول کې څان ته چاودنه ورکړې ده.
رحیمي ویلي، چې د تلفاتو په اړه به معلومات وروسته شریک کړي، خو د پروان د والي ویاندې وحیده شهکار وایي، د برید موخه د دولت جوړونکي ټیم یوه کمپایني غونده وه.
خو کورنیو چارو وزارت دغه خبره په کلکه رد کړې ویلي، دي، چې د دولت جوړونکي ټیم په کمپایني غونډه کې هېچا ته زیان نه دی رسېدلی او د کمپاین مراسم تر سره شوي دی.
د پروان د والي ویاندې ویلي د مرګ ژوبلې په اړه معلومات نه لري، خو پروان د عامې روغتیا ریاست معلومات ښي، چې په برید کې ۲۴ تنه وژل شوي او ۳۱ نور ټپیان شوي دي.
د پروان د ملکي روغتون مشر قاسم سنګین هم ویلي، چې د برید له ځایه دوی ته ۲۴ وژل شوي او ۳۱ ټپیان وروړل شوي، چې ښځې هم په کې شاملې دي.
نوموړي ویلي، دا مهال پروان امبولانس د مړو او ټپیانو په لېږد بوخت دی او ښايي مرګ ژوبله نوره هم زیاته شي.
تر اوسه د دغه برید مسوولیت چا نه دی اخیستی.
دا په داسې حال کې ده، چې نن کابل کې د ملي دفاع وزارت د پېژنتون ریاست ته څېرمه هم چاودنه شوې، خو تر اوسه یې نوعیت او تلفات نه دي معلوم.
جمهورخبري آژانس:پروان