یمن کې د حوثي وسله والو ډلې یوې مشر سعودي عربستان د سولې او یو پر بل د نه برید کولو وړانديز کړی دی.
د جمهور آژانس د خبر له مخې د حوثیانو دغه مشر په یوه تلوېزیوني وینا کې ویلي، دوی سعودي عربستان ته وړاندیز کوي چې پر یو بل به بریدونه دروي او په دې توګه به د سولې لپاره نور اقدامات ترسره کوي.
نوموړي ویلي، چې د سولې او ښه نیت په موخه باید دواړه لوري په لومړي سر کې پر یو بل بریدونه بند کړي.
په ورته وخت کې ملګرو ملتونو د حوثیانو له دغه پیغام هرکلی کړی دی خو سعودي عربستان تر دې دمه په دې اړه څه نه دي ویلي.
حوثیانو داسې مهال دغه وړاندیز کړی چې د عربستان د تېلو پر چاڼځایونو بریدونو د ټولې نړۍ غبرګون پارولی دی.
حوثیانو د برید مسوولیت منلی دی، خو امریکا او سعودي عربستان یې د ایران کار بولي.
جمهورخبري آژانس:کابل