راپورونه وایي، هلمند ولایت کې یوه چورلکه لوېدلې خو تر اوسه معلومه نه ده، چې د افغان ځواکونو ده او که د بهرنیو ځواکونو.

د جمهور آژانس د خبر له مخې د هلمند د والي ویاند عمر ځواک د چورلکې د لوېدو پخلی کړی خو په اړه یې نور معلومات نه دي ورکړي.

نوموړي ویلي، چې سپینې مک هیلیکوپټر په کجکي کې میشتو افغان سرتېرو ته اکمالات رسول، چې لوېدلې ده.

خو په ورته وخت کې ځینې سرچینې وايي، دغه چورلکه په توغندي ویل شوې، چې له امله یې د ملي اردو یو سرتېری وژل شوی، یو تن ټپي خو دوه پیلوټانو ته یې چې بهرني اتباع دي زیان نه دی رسېدلی.

تر اوسه د دغه چورلکې د لوېدو په اړه طالبانو یا کومې بلې ډلې څه نه دي ویلي.

جمهورخبري آژانس:هلمند