۰
هند:

که افغانستان وغواړي روغتیایي ټیمونه ورلېږلی شو

شنبی ۶ ثور ۱۳۹۹ ساعت ۱۱:۵۵
هند وايي د روغتیايي کارکوونکو په ګډون یې نظامي ټیمونه افغانستان او نورو ملګرو هېوادونو ته له کرونا سره د مبارزې په موخه لېږلو ته تیار دي.
که افغانستان وغواړي روغتیایي ټیمونه ورلېږلی شو
هند وايي د روغتیايي کارکوونکو په ګډون یې نظامي ټیمونه افغانستان او نورو ملګرو هېوادونو ته له کرونا سره د مبارزې په موخه لېږلو ته تیار دي.

د هندي رسنیو د راپورونو له مخې د هند حکومت ویلي تر دې دمه یې له کوېټ او مالدیف پرته بل هېواد ته خپل سرتېري او روغتیايي کارکوونکي نه دي لېږلي.

په راپور کې ویل شوي، دوی افغانستان، سریلانکا یا بنګلدیش ته هغه وخت خپل سرتېري او روغتیايي ټیمونه لېږي چې دوی یې غوښتنه وکړي.

د هند حکومت زیاته کړې د دوی ټیمونه د تیارسی په حال کې دي او هڅه کوي له کرونا سره د مبارزې لپاره له خپلو ګاونډیو هېوادونو سره مرسته وکړي.

سرچینې ویلي که اړتیا پېښه شي او افغانستان غوښتنه ترې وکړي نو د دوی ټیمونه د تیارسی په حال کې دي او دغه هېواد ته به یې لېږي.

د یادونې ده، چې هند په دې نږدې ورځو کې له افغانستان سره د غنمو او درملو مرسته هم کړې ده.

جمهورخبري آژانس:کابل
 
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي