امریکا په افغانستان کې د برېښنا پر پایو برید غندلی دی

9 ثور 1399 ساعت 14:03

د جنوبي او مرکزي اسیا په چارو کې د امریکا د بهرنیو چارو وزارت مرستیالې الیس ویلز د افغانستان د وارداتي برېښنا پر پایې برید غندلی دی.


د جنوبي او مرکزي اسیا په چارو کې د امریکا د بهرنیو چارو وزارت مرستیالې الیس ویلز د افغانستان د وارداتي برېښنا پر پایې برید غندلی دی.

د جمهور آژانس د خبر له مخې مېرمن ویلز د اپرېل پر ۲۸(غويي۹) په افغانستان کې د نورو زېربناو ترڅنګ په ځانګړي ډول د برېښنا پر پایو بریدونه غندلي دي.

نوموړې په خپل ټوېټر لیکلي«په داسې حال کې چې افغانان د کووید ـ۱۹ ناروغیو کړکېچ سره مخ دي،وسله والو د برېښنا پایو په تخریب سره په کابل، خپلو کورنو او روغتونونو کې خلک د برېښنا نشتوالي سره مخ کړي دي،زه پر زېربناو بریدونه په کلکه سره غندم.»

د امریکا د بهرنیو چارو وزارت مرستیالې زیاته کړې چې د برېښنا قطعه کېدل به د افغانانو ستونزې نورې هم ډیري کړي.

په ورته وخت کې نوموړې ویلي، افغانان باید د کووید ـ ۱۹۰ ویروس په وړاندې یو موټي شي.

د یادونې ده، چې د تېرې دوشنبې په شپه ناڅرګندو کسانو د کابل په شمال میربچه کوټ ولسوالۍ په میرزاخېل سیمه کې د وارداتي برېښنا یوه پایه په بمونو والوزوله.

د افغانستان د برېښنا شرکت د معلوماتو په اساس په دې سره د کابل په ګډون لغمان، ننګرهار، میدان وردګ، غزني، پکتیا، پکتیکا او خوست ولایتونو باندې هم برېښنا قطعه شوه.

د برېښنا شرکت چارواکو ویلي، د یادې پایې د بیرته رغولو کار د دوی د تخنیکي ټېمنو لخوا پيل شوی چې تر راتلونکو پنځو ورځو به بیرته جوړه شي.

جمهورخبري آژانس:کابل
 
 


د مطلب کود: 127374

دمطلب پته: https://www.jomhornews.com/ps/news/127374/

جمهور
  https://www.jomhornews.com