د چینايي او هند ځواکونو تر منځ پر پوله نښته رامنځ ته شوې، چې د هندي چارواکو په وینا ۲۰ هندي سرتېري په کې وژل شوي دي.
د
جمهور خبري آژانس د خبر له مخې دغه نښته وړمه ورځ د کشمیر په هغه سیمه کې، چې دواړه هېوادونه یې د مالکیت ادعاوې کوي، رامنځ ته شوې ده.
هندي چارواکي وايي، نښته د لداک په سیمه کې شوې ده، چې په پیل کې ۳ سرتېري وژل شوي او ۱۷ نور ټپیانو و خو ټپیانو وروسته په روغتون کې ساه ورکړې ده.
دوی چینايي سرتېري تورنوي چې د دواړو هېوادونو ترمنځ د ګالوان په دره کې رسمي سرحدي کرښې ته د درناوي له هوکړې یې سرغړاوی کړی دی.
هند وايي، په دغه نښته کې چنايي لوري ته هم مرګ ژوبله اوښتې، خو کره معلومات یې نه دي ورکړي.
چین د نښتې او دوی ته د اوښتې مرګ ژوبلې په اړه څه نه دي ویلي، خو هندي ځواکونه یې تورن کړي، چې له پولې یې چین خاورې ته اوښتې وو.
د یادونې ده، د هند او چین تر منځ کله ناکله په پوله ورته نښتې رامنځ ته کېږي، خو په څو وروستیو کلونو کې د دواړو هېوادونو ترمنځ بېسارې ګڼل کېږي.
جمهورخبري آژانس:کابل