د عامه تصدۍ پنځه چارواکي څارنوالۍ ته معرفي شوي

10 سرطان 1399 ساعت 10:34


د کورنیو چارو وزارت د عامه ساتنې تصدۍ پنځه تنه چارواکي د فساد په بېلابېلو قضیو کې د لاس لرلو په تور څارنوالۍ ته معرفي شوي دي.

د جمهور آژانس د خبر له مخې د دغه کسانو څارنوالۍ ته د معرفي کېدو خبر پرون دوشنبې د چنګاښ ۹ مه په یوه د کورنیو چارو وزارت نه په یوه خپاره شوي بیان کې راغلی دی.

د کورنیو چارو وزارت د دې تصدۍ عمومي رئیس جنرال خوشحال سعادت ویلي، د دې تصدۍ د تأمیناتو، لوژستیک او البسې د مسؤلانو په ګډون پنځه چارواکي د لسګونه زره پوځي دریشیو د حیف او میل او همداراز د فساد په څو نورو قضیو کې په لاس لرلو تورن دي.

نوموړي په دې اړه نور جزیات نه دي ورکړي.

جمهورخبري آژانس:کابل
 
 
 


د مطلب کود: 129009

دمطلب پته: https://www.jomhornews.com/ps/news/129009/

جمهور
  https://www.jomhornews.com