۰
د امریکا د بهرنیو چارو وزارت:

د بین الافغاني خبرو هرکلي کوو، د سولې وخت رارسېدلی دی

شنبی ۲۲ سنبله ۱۳۹۹ ساعت ۰۹:۳۸
د امریکا د بهرنیو چارو وزارت په قطر کې د افغان حکومت او طالبانو تر منځ د مخامخ خبرو د پیلېدو هرکلی کړی دی.
د بین الافغاني خبرو هرکلي کوو، د سولې وخت رارسېدلی دی
د امریکا د بهرنیو چارو وزارت په قطر کې د افغان حکومت او طالبانو تر منځ د مخامخ خبرو د پیلېدو هرکلی کړی دی.

د جمهور خبري آژانس د خبر له مخې ټاکل شوې، د حکومت او طالبانو تر منځ خبرې نن شنبې د وږي ۲۲ مه د قطر په مشهور شریتون هوټل کې پیل شي.

د خبرو د پیل مراسم به د قطر د بهرنیو چارو د وزیر له خوا وشي او ورسته به د حکومت په استازیتوب ډاکتر عبدالله او د طالبانو په استازیتوب ملا عبدالغني برادر ویناوې وکړي.

د دغه خبرو پیل ته د امریکا د بهرنیو چارو وزیر مایک پمپیو هم ورغلی دی او تمه یې ښودلې، چې افغان په خپلو کې سره جوړ او د ولس په خوښه یو حکومت رامنځ ته کړي.

د امریکا د بهرنیو چارو وزارت د دغه خبرو د پيلېدو هرکلی کړی او دا یې افغانستان د سولې او ثبات ټینګېدو او د روانې څلوېښت کلنې جګړې د ختمېدو او وینې بهېدو مخنیوي لپاره یو تاریخي فرصت بللی دی.

د وزارت په اعلامیه کې له مذاکراتي ټېمونو غوښتل شوي چې د دغه بهیر د بریاليتوب لپاره عملي ګامونه واخلي او له صبر او زغم څخه کار واخلي.

د امریکا د بهرنیو چارو وزارت په خبرپاڼه کې ویل شوي د افغانستان خلک او نړیواله ټولنه له دغه بهیر څخه نظارت کوي.

په اعلامیه کې زیاته شوې، چې د افغانستان خلک له کلونو د جګړې پېټې پر اوږو وړي او اوس د سولې وخت رارسېدلی دی.

جمهورخبري آژانس:کابل
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي