د ولسمشر غنی دوهم مرستیال سرور دانش وايي، ډېر ژر به لوګر ولایت کې د مس عینک پروژې برخلیک معلوم شي.
د جمهور آژانس د خبر له مخې ښاغلي دانش دغه څرګندونې پرون چهارشنبې د وږي ۲۶ مه د خصوصي سکتور د مسوونیت کمېټې په غونډه کې وکړې.
نوموړي و ویل، چې د مس عینک پروزې اوسنۍ وضعیت او د هغې د برخلیک په اړه تصمیم نیونه د قراردادي شرکتونو له استازو سره څېړل شوې ده.
په دغه غونده کې د کانونو او پېټرولیم وزیر هم راپور وړاندې کړ ویې ویل، چې د دغه پروژې د ستونزو د حل په موخه یې تر اوسه دوه ځلې له چین سره ناستې کړې دي.
دی وايي، ټاکل شوې ډېر ژر به د مس عینک پروژې د برخلیک معلومولو لپاره د قراردادي شرکت سره هم غونډه وشي او په اړه به یې تصمیم ونیول شي.
ښاغلي داش د مس عینک پروژه د هېواد یو له سترو او مهمو پروژ وبلله او اړوند وزارت ته یې سپارښتنه وکړه، چې ژر تر ژره له قراردادي شرکت سره په دې موضوع یوې نتیجې ته ورسېږي.
د یادونې ده، چې د لوګر د مس عینک کان د را سپړو تړون په ۲۰۰۸ میلادي کال کې د ام سي سي په نوم چنايي شرکت او د افغانستان د کانونو وزارت تر منځ لاسلیک شو، خو عملي کار یې لا هم نه دی پیل شوی.
د کانونو او پېټرولیم وزارت وايي، د دغه کان د عملي کار د تاریخي اثاو د موجودیت له امله نه دی پیل شوی او تر چې دغه تاریخي اثار بل ځای ته لېږدول شوي نه وي، عملي کار به یې پیل نه شي.
جمهورخبري آژانس:کابل
