سیمه ییز چارواکي وايي، پکتیا ولایت کې یو زوم او ناوې د واده په لومړۍ شپه ګاز نیولي او مړه شوي دي.

سیمه ییز چارواکي وايي، پکتیا ولایت کې یو زوم او ناوې د واده په لومړۍ شپه ګاز نیولي او مړه شوي دي.

د جمهور آژانس د خبر له مخې د پکتیا د والي ویاند عبدالرحمن منګل زیاتوي، دغه پېښه تېره شپه د پکتیا ولایت د مرکز ګردیز اړوند د رباط سیمې د ګډوالو په کمپ کې رامنځ ته شوې ده.

نوموړي زیاته کړه، د نجیب الله وطن مل په نوم یو ځوان او تازه واده شوې مېرمن یې د یخنۍ له امله ګوټه کې ګازي بخارۍ لګولې، چې وروسته همداسې چالانه پاتې شوې ده.

دی وايي، د بخارۍ ګاز ناوې او زوم دواړه نیولي، چې وروسته مړه شوي او سهار یې د کورنۍ غړي پرې خبر شوي دي.

منګل زیاتوي، دغه تازه واده شوې جوړې تر شلو کلونو پورې عمر درلود او نن یکشنبه خاورو ته وسپارل شول.

جمهورخبري آژانس:کابل