د افغانستان د ملي روغې جوړې عالي شورا مشر ډاکتر عبدالله عبدالله د یوه لوړ پوړي پلاوي په مشرۍ تاجکستان ته ولاړ.
د
جمهور خبري آژانس د خبر له مخې ښاغلي عبدالله او ورسره پلاوی نن دوشنبې د مرغومي اوله د دوشنبې په لور وخوځېده.
د ملي امنیت شورا مطبوعاتي دفتر وايي، دا د سولې په اړه د سیمه ییزې او نړیوالې اجماع د رامنځ ته کولو په موخه سیمې ته د ښاغلي عبدالله د سفرونو له لړۍ څخه دی، چې د تاجکستان په رسمي بلنه تر سره کېږي.
عبدالله به تاجکستان ته له رسېدو وروسته د دغه هېواد له ولسمشر امام علي رحمان، د لومړي وزیر قاهر رسول زاده، د ولسي جرګې د مشر محمد طاهر ذاکر زاده او د بهرنیو چارو وزیر سراج مهرالدین سره د سولې په اړه خبرې اترې وکړي.
د یادونې ده، چې د سولې په اړه د سیمه ییزې اجماع د رامنځ ته کولو په موخه عبدالله تر دې وړاندې پاکستان، ایران، هند او ترکیې ته هم سفرونه کړي وو.
جمهورخبري آژانس:کابل