ملي دفاع وزارت پلازمېنه کابل کې د هوايي مدافعي سیستم د نصب او فعالېدو خبر ورکړی دی.
د جمهور آژانس د خبر له مخې دغه وزارت نن یکشنبې د چنګاښ ۲۰ مه په یوه خبرپانه کې ویلي، دا سیستم به نن د شپې دوه بجې فعال شي.
د سرچینې په وینا دا د راکټونو او مزايلو د دفعې لپاره په نړۍ کې د تجربې پر بنسټ خورا ګټور ثابت شوی سيسټم دی.
دفاع وزارت د کابل ښاريانو او څېرمې سيمې اوسېدونکو ته خبر ورکړی، چې د غږ په اورېدو یې اندېښمن نه شي او وار له مخه په جریان کې وي.
ملي دفاع وزارت وايي، امنيتي سکټور او افغان امنيتي او دفاعي ځواکونه د خپلو خلکو او خاورې د دفاع لپاره د سر په بیه چمتو دي.
خبرپانه کې ویل شوي، دغه سيسټم هم د همدې موخو له ډلې دی چې پر جګړه یزو احضاراتو مثبته اغېزه لري.
جمهورخبري آژانس:کابل
