د افغانستان کرنې وزارت په پام کې لري، چې د ځنګلونو د غیر قانوني پرېکولو مخنیوي په هدف ۴۵۰ کسیزه رامنځ ته کړي.

د جمهور آژانس د خبر له مخې دغه قطعه (زرغونه قطعه) نومېږي او دنده به یې یوازې د ځنګلونو د غیرقانوني وهلو څخه مخنیوی وي.

د طالبانو د ویاند مرستیال انعام الله سمنګاني نن دوشنبه د لیندۍ ۱۵ مه پر خپل ټویټر پاڼه لیکلي، له یادې قطعې څخه ۱۰۰ تنه یې په کابل او پاتې کسان یې په کونړ، ننګرهار، لغمان، خوست، نورستان، پکتیا او پکتیکا کې ځای پر ځای پرځای کېږي.
 
د یادونې ده، چې د افغانستان پر ۱.۷۸۱ هکتاره ځمکه ځنګلونه، ۳۰.۱ میلیون هکتاره ځمکه باندې څړ ځایونه او د هېواد په ۴.۵ سلنه ځمکه باندي ساتل شوي سیمې او ملي پارکونه شتون لري.

جمهورخبري آژانس:کابل