پاکستان:

پر ډېورنډ کرښه به اغزن تار د طالبانو پر موافقه غځوو

25 جدی 1400 ساعت 9:59

د پاکستان د کورنیو چارو وزیر شیخ رشید احمد ویلي، چې دوی به پر ډیورنډ کرښه د اغزن سیم د لګولو چارې د طالبانو په موافقه بشپړې کړي.


د پاکستان د کورنیو چارو وزیر شیخ رشید احمد ویلي، چې دوی به پر ډیورنډ کرښه د اغزن سیم د لګولو چارې د طالبانو په موافقه بشپړې کړي.

د جمهور آژانس د خبر له مخې رشید احمد چې پرون جمعه د زمري ۲۴ مه اسلام آباد کې یوې خبري ناستې ته خبرې کولې زیاته کړې، چې د ډیورنډ پر ۲۶۰۰ کرښه کیلومتره اغزن تار لګول شوی او اوس یوازې ۲۱ کیلومتره ځای پاتې دی.

ښاغلي رشید احمد طالبان د پاکستان وروڼه وبلل او ویې ویل چې پاکستان به د اغزن تار د لګولو په برخه کې د طالبانو د حکومت موافقه واخلي.

د شیخ رشیداحمد د تازه څرګندونو په اړه طالبانو څه نه دي ویلي، خو مخکې له دې د طالبانو د حکومت د دفاع وزارت ویاند عنایت الله خوارزمي په یوه ویډیو کې چې پر ټولنیزو شبکو خپره شوه ویلي و چې باکستان حق نه لري، په دې سیمه کې اغزن سیم ولګوي او اختلاف رامنځ ته کړي.

جمهورخبري آژانس:کابل
 
 


د مطلب کود: 146774

دمطلب پته: https://www.jomhornews.com/ps/news/146774/

جمهور
  https://www.jomhornews.com