د کډوالو نړیوالې ادارې په یوه راپور کې ویلي، چې په افغانستان کې ډېری فابریکو او شرکتونو خپل کارکوونکي له دندو ګوښه کړي دي.

د جمهور آژانس د خبر له مخې دغه ادارې زیاته کړې، دا چې په افغانستان کې اقتصادي وضعیت خراب شو، نو ډېری فابریکې اړ شوې څو خپل کارکوونکي لرې کړي چې دې مسئلې ګاونډیو هېوادونو ته د کډوالو بهیر چټک کړ.

سرچینه زیاتوي، نږدې ۶۵ سلنه شرکتونو او فابریکو خپل کارکوونکي له دندو ګوښه کړي دي چې دا د افغانستان اقتصاد ته یوه بله ضربه ګڼل کېږي.

بل خوا ملګري ملتونه وایي دوی په افغانستان کې د شخصي کاروبارونو ملاتړي دي او دا د دغه هېواد د ودې لپاره مهم بولي، نو له همدې امله تمه لري چې په افغانستان کې د کاروبار لپاره زمینه لا ډېره برابره شي او روان ناوړه اقتصادي وضعیت پای ته ورسېږي.

جمهورخبري آژانس:کابل