افغان حکومت: له ایران سره د اوبو په اړه نوې پرېکړه نه کېږي

13 اسد 1401 ساعت 8:29

د افغانستان د اوبو او برېښنا وزارت چارواکي وايي، له ایران سره د اوبو په اړه هېڅ راز نوې هوکړه نه رامنځته کېږي.


د افغانستان د اوبو او برېښنا وزارت چارواکي وايي، له ایران سره د اوبو په اړه هېڅ راز نوې هوکړه نه رامنځته کېږي.

د جمهور آژانس د خبر له مخې د دغه وزارت مرستیال مجیب الرحمان عمر په تازه څرګندونو کې ویلي له ایران سره د اوبو په تړاو هغه هوکړه د عملي کېدو وړ ده چې په ۱۳۵۱ کال کې لاسلیک شوې ده.

نوموړي زیاته کړې، چې ایران خپله ټوله حقابه تر لاسه کړې ده او له دغه هېواد سره د نوې هوکړې هېڅ امکان نشته دی.

دغه افغان چارواکي ویلي دوی له ایران سره د پخوانیو هوکړو پر بنسټ عمل کوي او په دې تړاو د افغان حکومت دريځ واضح دی.

ښاغلی عمر وايي، له ایران سره هر ډول مذاکراتو ته تیار دي، خو له خپل حق نه تېرېږي او نه به هم د نوو هوکړو لاسلیک ته غاړه کېږدي.

جمهورخبري آژانس:کابل
 
 


د مطلب کود: 153050

دمطلب پته: https://www.jomhornews.com/ps/news/153050/

جمهور
  https://www.jomhornews.com