۰

ازبکستان بېرته افغانستان ته د برېښنا صادرات پیلوي

سی شنبه ۴ دلو ۱۴۰۱ ساعت ۰۷:۲۱
د ترکمنستان او افغانستان ترمنځ د برښنا د واردولو له تړون سره په یو وخت کې ازبکستان اعلان کړی چې افغانستان ته یې د برښنا صادرات بیا پیل کړي.
ازبکستان بېرته افغانستان ته د برېښنا صادرات پیلوي
د ترکمنستان او افغانستان ترمنځ د برښنا د واردولو له تړون سره په یو وخت کې ازبکستان اعلان کړی چې افغانستان ته یې د برښنا صادرات بیا پیل کړي.

د افغانستان د برښنا شرکت پرون ویلي، د ۲۰۲۳ کال لپاره د ترکمنستان له ترکمن انرګو شرکت سره د برښنا د واردولو تړون تمدید شوی دی.

برښنا شرکت په یوه بیان کې وايي، دا تړون د برښنا شرکت رییس مولوي محمدحنیف حمزه او د ترکمن انرګو رییس په داسې حال کې په عشق آباد کې لاسلیک کړ چې د طالبانو د حکومت د اوبو او انرژۍ وزیر ملا عبداللطیف منصور هم حاضر و.

خو په ورته وخت کې ازبکستان ویلي چې افغانستان ته د برښنا د صادرولو جریان له سبا چهارشنبې څخه بیا پیلوي.

د ازبکستان د انرژۍ وزارت په یوه بیان کې ویلي چې افغانستان ته د برښنا بهیر د تخنیکي عوارضو له وجې موقتاً پرې شوی و.

افغانستان ته د ازبکستان وارداتي برښنا د جنوري له ۱۴مې راهیسې په داسې حال کې پرې شوې چې په افغانستان کې هوا په بېساري ډول سړه شوې ده.

د طالبانو حکومت په روانه اونۍ کې له ازبکستان څخه وغوښتل چې افغانستان ته د برښنا لېږد بیا پیل کړي.
 
جمهورخبري آژانس
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي