د افغانستان د ملي مقاومت جبهې مشر احمد مسعود د ويانا درېيمه غونډه د افغانستان لپاره د يوې ستر سياسي چتر د رامنځته کولو لپاره يو ښه پيل وباله.

مسعود چې د ویانا د غونډې له پای ته رسېدو وروسته د خبریالانو یوې ډلې ته خبرې کولې ویلي، دغه ناسته د ټولو جریانونو او ډلو ترمنځ د ګډې نقطې ته د رسېدو لپاره یو ښه پیل وباله.

هغه وويل، د ويانا د درېيمې غونډې ستره لاسته راوړنه د نږدې ٥٠ ډلو او کسانو همغږي او هوکړه وه چې په دې غونډه کې يې برخه اخيستې وه.

خو؛ هغه زیاته کړه چې "موږ حوالې ته اړتیا لرو، همغږي ته اړتیا لرو او موږ ډیر لوی یووالي ته اړتیا لرو".

د هغه په ​​وينا، د افغانستان سياسي چتر بايد په کې شامل شي او د افغانانو له ظرفيتونو څخه بايد د ښې راتلونکې د جوړولو لپاره کار واخيستل شي.

د یادونې ده، چې وینا کې د طالبانو د مخالفینو درې ورځنۍ غونډه پرون د لیندۍ ۱۴ مه پای ته ورسېده.

د دې غونډې په وروستۍ اعلامیه کې له ملګرو ملتونو غوښتل شوي چې د افغانستان د ستونزې په حل کې خپل مرکزي رول ولوبوي.

جمهورخبري آژانس