د طالبانو د ډلې اداري مرستیال مولوي عبدالسلام حنفي ادعا وکړه چې د دې ډلې په تور لیست کې هیڅ افغان نشته.

د طالبانو د ډلې اداري مرستیال مولوي عبدالسلام حنفي نن پنجشنبې د سلواغې ۲۶ وویل چې د دې ډلې په تور لیست کې هیڅ افغان نشته.
دغه طالبانو زیاته کړه چې د ۱۳۵۷ کال د ثور د اوومې کودتا یې د افغانستان د بدبختۍ پیل بولي.

د ثور له اوومې کودتا وروسته افغانستان د شوروي اتحاد له خوا اشغال شو، چې په پایله کې یې یو نیم ملیون افغانان ووژل شول او میلیونونه نور بې ځایه شول.

د طالبانو دغه ادعاوې په داسې حال کې مطرح کېږي چې د تېر حکومت زرګونه دفاعي او امنیتي ځواکونه د جنګیالیو د غچ له وېرې ګاونډیو او لوېدیځو هېوادونو ته کډوال شوي دي.

جمهورخبري آژانس