د ازبکستان یو لوړ پوړی پلاوی د بهرنیو چارو وزیر بختیار سیدوف په مشرۍ کابل ته رسیدلی ترڅو په درې اړخیزه غونډه (افغانستان، پاکستان او ازبکستان) کې ګډون وکړي.
د جمهور آژانس د خبر له مخې د طالبانو د بهرنیو چارو وزارت نن پنشنبې (د چنګاښ ۲۶ مه) په یوه اعلامیه کې وویل چې د ازبکستان یو لوړ پوړی پلاوی د بهرنیو چارو وزیر بختیار سیدوف په مشرۍ نن ماسپښین کابل ته رسیدلی ترڅو په درې اړخیزه غونډه (افغانستان، پاکستان او ازبکستان) کې ګډون وکړي.
د ازبکستان د بهرنیو چارو وزیر ته د طالبانو د بهرنیو چارو سرپرست وزیر مولوي امیر خان متقي په ارګ ماڼۍ کې هرکلی ووایه.
ټاکل شوې ده چې د طالبانو لومړی وزیر ملا محمد حسن اخوند د ازبکستان د بهرنیو چارو له وزیر سره وګوري ترڅو په مختلفو برخو کې د دوه اړخیزو اړیکو د پراختیا او د سیمه ایزو پروژو، په ځانګړې توګه د ټرانس-افغان ریل پټلۍ پروژې پلي کولو په اړه بحث وکړي.
د ازبکستان د بهرنیو چارو وزیر به په درې اړخیزه غونډه (افغانستان، پاکستان او ازبکستان) کې برخه واخلي.
جمهورخبري آژانس
