شماری از دهاقین در ولایت خوست می‌گویند که مسوولان محلی طالبان در این ولایت، استفاده از ماشین درو گندم را منع کرده‌اند.

دهاقین خوست امروز یک‌شنبه 31 ثور، گفته اند که همزمان با فرا رسیدن فصل برداشت حاصلات گندم در این ولایت، مسوولان محلی طالبان استفاده از ماشین‌آلات درو و تریشل را منع کرده‌اند.

اما؛ دهاقین می‌گویند که این ممنوعیت طالبان سبب طولانی شدن روند جمع آوری حاصلات گندم در این ولایت می‌شود. گفتنی است که مسوولان طالبان سال گذشته نیز در ولایت‌های مختلف، استفاده از ماشین درو و تریشل را منع کرده بودند.

خبرگزاری جمهور