منابع مردمی در ولایت خوست در جنوب کشور می‌گویند که زورمندان محلی به همکاری طالبان، درختان را در این ولایت به شکل بی‌رویه قطع و به پاکستان قاچاق می‌کنند.

این منابع گفته اند که قطع جنگلات در ولایت خوست اخیراً شدت گرفته و زورمندان محلی به همکاری مسوولان محلی طالبان به این کار مبادرت می‌ورزند.

به گفته منابع، قطع درختان به شکل بی رویه هم اکنون نیز در ولسوالی‌های سپیری، تنی، دوه منده و قلندر ولایت خوست ادامه دارد. به گفته آنان،ریاست‌های زراعت و حفاظت از محیط زیست تحت کنترل طالبان در خوست تا هنوز هیچ اقدامی برای جلوگیری از قطع درختان و قاچاق آن به پاکستان، کاری نکرده‌اند.

خبرگزاری جمهور