اوچا یا دفتر هماهنگ‌کننده کمک‌های بشردوستانه سازمان ملل در افغانستان می‌گوید که دولت آلمان 5 میلیون یورو به صندوق بشردوستانه افغانستان کمک کرده‌است.

این نهاد امروز دوشنبه 29 عقرب، با نشر اعلامیه‌ای گفته که دولت آلمان این بسته کمکی را جدید به صندوق بشردوستانه افغانستان کمک کرده‌است.

اوچا افزوده است که این کمک در راستای فعالیت‌های نجات‌بخش در سال 2023 در افغانستان صورت گرفته‌است. 

بر بنیاد اعلامیه، آلمان از زمان تأسیس صندوق بشردوستانه افغانستان مجموعا 210 میلیون یورو به این صندوق کمک کرده‌است.

خبرگزاری جمهور