نورالدین عزیزی سرپرست وزارت صنعت و تجارت گروه طالبان در جریان سفرش به ترکمنستان با تاجران افغان مقیم کشور‌های مختلف دیدار کرد.

وزارت صنعت و تجارت گروه طالبان امروزیک‌شنبه(13 حوت) در اعلامیه‌ی گفته که نورالدین عزیزی با تعداد از تاجران و سرمایه‌گذاران افغان مقیم کشورهای مختلف که جهت اشتراک در کنفرانس تواصل تجارتی و بازدید از نمایشگاه ترکمن - افغان به جمهوری ترکمنستان سفر نموده‌اند، دیدار نمود.

تاجران و سرمایه‌گذاران مشکل‌شان را در قسمت انتقال موادنفتی و پیشنهادات شان را در رابطه به ایجاد منطقه آزاد در بندر ترکمن‌باشی و بانک مشترک افغان - ترکمن، کاهش تعرفه، توازن در بیلانس تجارت؛ حداقل با کشورهای منطقه و ترویج کالاهای صادراتی افغانستان در جمهوری ترکمنستان ارایه کردند.

عزیزی در این دیدار به آنها اطمینان داده که در مقابل هر افغانی که مالیه پرداخت می‌کنند، حساب داده می‌شود و پول مالیه بی‌جا مصرف نشده و برای بازسازی کشور مصرف می‌شود.

خبرگزاری جمهور