یمانگلی تاسماگمبتوف دبیر کل سازمان پیمان امنیت جمعی گفته که این پیمان در حال تقویت مرز تاجیکستان با افغانستان است.

تاسماگمبتوف روز سه‌شنبه 22 حوت، به خبرگزاری تاس روسیه گفته که پیش‌نویس این طرح از سوی شورای دایمی این پیمان تایید و به کشورهای عضو آن ارایه شده است.

به گفته او، تلاش‌های جدی از سوی سازمان پیمان امنیت جمعی برای تقویت مرز تاجیکستان با افغانستان جریان دارد.

او افزوده که اراده سیاسی تاجیکستان و قرغیزستان که در معرض بیشتر تهدیدات تروریستی از خاک افغانستان قرار دارند، برای اجرای این طرح مهم است.

این در حالی است که روسیه و تاجیکستان از نفوذ گروه‌های تروریستی از افغانستان نگران اند.

خبرگزاری جمهور