وزارت ایالات و سرحدات پاکستان اعلام کرده که اقامت مهاجران افغان ثبت شده توسط سازمان بین‌المللی مهاجرت را تمدید کرده‌است.

این وزارت روز دوشنبه 17 ثور، با نشر اعلامیه‌ای گفته که اقامت مهاجران افغان تا 30 ماه جون دوباره تمدید شده‌است.

این در حالی است که پاکستان اخیراً اعلام کرده بود که مهاجران افغان زیر پوشش سازمان بین‌المللی مهاجرت را نیز اخراج می‌کند.

اسلام آباد سال گذشته روند اخراج اجباری مهاجران افغانستان را آغاز و گفته 1.7 میلیون تن آنان را اخراج می‌کند.

تا اکنون بیش از 500 هزار مهاجر افغانستان توسط دولت پاکستان اخراج شده‌اند.

خبرگزاری جمهور