د اسلامي امارت د پخوانیو سیاسي څېرو سره د اړیکو کمېسیون چارواکي وايي، د جنبش ګوند یو ارشد غړی نظام الدین قیصاري او پخوانی نظامي قوماندان جنرال غلام سخي روغ لېونی هم بېرته هېواد ته راستانه شوي دي.

د جمهور آژانس د خبر له مخې دغه کمېسیون نن یکشنبې د چنګاښ ۵ مه خپره کړې خبرپاڼه کې ویلي، د کمېسیون په هڅو نظام الدین قیصاري نن افغانستان ته رارسېدلی دی.

په ورته وخت کې دغه کمېسیون زیاته کړې، چې د لوګر پخوانی امنیه قوماندان جنرال غلام سخي روغ لېونۍ هم هېواد ته راستون شوی دی.

د یادونې ده، چې تر دې وړاندې، فاروق وردګ، امان الله غالب، جنرال دولت وزیري، حسن مبارک عزیزي، حکیم نورزی، انتظار خادم او ځینې نور د پخواني حکومت کسان هم هېواد ته راستانه شوي دي.

جمهورخبري آژانس:کابل