د انګلستان پخوانی لوبغاړی د افغان لوبډلې مشر روزونکی وټاکل شو

د انګلستان پخوانی توپ وهونکی جاناټان ټراټ د افغانستان د کرکټ د ملي لوبډلې د مشر روزونکي په توګه وګومارل شو.

د جمهور خبري آژانس د خبر له مخې د افغانستان کرکټ بورډ وايي، ټراټ به د ایرلنډ پر وړاندې د افغانستان په راروانه لوبلړۍ کې چې د هېواد له ملي لوبډلې سره یوځای شي.

دا لوبلړۍ د اګست په نهمه په بلفاست کې پیلېږي او د اګست تر اولسمې نېټې پورې دوام کوي، چې په ترڅ کې یې درې یوورځنۍ او پنځه شل اووریزې لوبې په پام کې نیول شوې دي.
 
جمهورخبري آژانس:کابل