امریکا کې ځینو تازه کډوالو افغان خبریالانو د آمو په نوم د یوه نوي تلوېزیون د پیل خبر ورکړی دی.
د جمهور آژانس د خبر له مخې دغه تلوېزیون، چې امو نومېږي د لطف الله نجفي زاده او سمیع مهدي له خوا جوړ شوی دی.
نجفي زاده د دغه تلوېزیون د تاسیی په اړه ویلي، دا درک کولای شو چې په افغانستان کې تېر یو کال د مطبوعاتو د ازادي له پلوه وضعیت ډېر ښه نه و.
خو په وینا یې دوی به هڅه وکړي، چې په بې پرې او خپلواکه توګه له سیاسي او مالي نفوذ پرته د افغانستان پېښو او تحولاتو ته د ژورنالیزم د نړیوالو اصولو سره سم پوښښ ورکړي.
نجفي زاده وایي، دمګړۍ یې دوه غیرسیاسي امریکایي بنسټونه مالي ملاتړ کوي خو دا ملاتړ یې د لنډ وخت لپاره دی.
د هغه په خبره دا تلوېزیون به په پښتو، دري او انګریزي ژبو باندې انلاین خپرونې کوي.
جمهورخبري آژانس:کابل
