د طبعي پېښو پر وړاندې د چمتوالي سیمه ییز چارواکي وايي، د تېرې شپې د زلزلې له امله کونړ ولایت کې ۱۵ تنو ته مرګ ژوبله اړولې ده.
د
جمهور خبري آژانس د خبر له مخې تېره شپه (د وږي ۱۳ مه) د دريښتر په کچه ۵.۳ درجې لويې زلزلې مرکز د افغانستان د ننګرهار ولايت و چې د کابل په ګډون یې یو شمېر نور ولایتونه هم ولړزول.
د کونړ د طبيعي پېښو پر وړاندې د چمتووالي اداره ویلي د دغه زلزلې له امله د دغه ولايت د نورګل ولسوالۍ په مزار دره کې ۶ کسان مړه او ۹ نور ټپیان شوي دي.
د یادې ادارې د زيانونو د ارزونې مدیر احسان الله احسان زیاته کړې، چې د شپې نږدې دوه نيمې بجې د نسبتا زورورې زلزلې ټکانونه محسوس شول چې د لومړنيو معلوماتو له مخې، د نورګل ولسوالۍ په مزار درہ کې شپږ کسان مړه او ۹ نور ټپیان شوي دي.
نوموړي زیاته کړې، د زلزلې له امله د کونړ په بېلابېلو سيمو کې لسګونه کورونه هم تخريب شوي دي.
د یادونې ده، چې تر دې څه کم دوه میاشتې وړاندې پکتیکا او خوست کې سختو زلزلو کابو ۳ زره کسانو ته مرګ ژوبله واړوله او زرګونه کورنه یې تخریب کړل.
جمهورخبري آژانس:کابل