د کورنیو چارو وزارت د رهبری یو لوړ پوړی پلاوی پلازمېنه کابل کې د وړمې ورځې د کاج رونیز مرکز چاودنې قربانیانو کورنیو ته د تسلیت لپاره ورغلی وو.
د
جمهور خبري آژانس د خبر له مخې یاد پلاوي، چې مشري یې د دغه وزارت مرستیال زین الله عابر کوله د قربانیانو پوښتنه وکړه او د دوی کورنیو ته یې تسلیت و وایه.
د کورنیو چارو وزارت د قربانیانو کورنیو ته د هر ډول همکارۍ ډاډ یې ورکړ، ورسره یې د دوه نیم ملیون افغانیو مرسته وکړه.
د کورنیو چارو وزارت وايي، د هر وژل شوي کورنۍ ته یو یو لک او زخمیانو سره ۵۰ زره افغانۍ نغدي مرسته وشوه.
د یاد وزارت مرستیال زین الله عابر دغه برید دسیسه وبلله او زیاته یې کړه چې دافغانستان دښمنان غواړي دافغانانو ترمنځ نفاق رامنځته کړي.
د یادونې ده، چې د تېرې جمعې په ورځ د کابل په دشت برچي کې په کاج ښوونیز مرکز برید کې ۴۵ تنه شهیدان او ۶۰ ټپيان شول.
جمهورخبري آژانس:کابل