د اوبو او انرژۍ وزیر مولوي عبدالطيف منصور د نیمروز له والي ملا نجیب الله رفیع سره لیدلي او د کمال خان بند په اړه ېې خبرې ورسره کړې دي.

د جمهور آژانس د خبر له مخې په دې لیدنه کې، په نیمروز ولایت کې د اوبو او انرژي پروژو د پلې کېدو په برخه کې په ځانګړي ډول د کمال خان بند پروژې د پاتې چارو د بشپړولو په هکله بحث او خبرې شوې دي.

د نیمروز والي په دې لیدنه کې د کمال خان بند پروژې د پاتې چارو او په نیمروز ولایت کې د برېښنا رسولو د پراختیا غوښتنه کړې ده.

د اوبو او انرژۍ وزیر ډاډ ورکړی، چې د کمال خان بند د پاتې چارو په هکله هڅې ترسره شوې او په نږدې راتلونکي کې به یې کار پیل شي.

جمهورخبري آژانس:کابل