سمنګان ولایت کې طالب امنیتي چارواکي وايي، دوی یو هلک او نجلۍ چې له کوره تښتېدلي وو نیولي دي.

دا خبره د سمنګان ولایت د مطبوعاتو مشر مفتي عبدالشکور کړې او ویلي یې دي، چې دغه نجلۍ او هلک له کوره د فرار په تور نیول شوي دي.

د هغه په وینا هلک او نجلۍ په اصل کې د بدخشان د ارګو ولسوالۍ اوسېدونکي دي، چې پرون د غوايي ۳۱ مه د سمنګان خلم ولسوالۍ کې ونیول شو.
 
دی وايي، دا نجلۍ له هلک سره د واده کولو لپاره له کوره تښتېدلې وه او غوښتل یې، چې بلخ ولایت ته ولاړ شي، خو امنیتي ځواکونو ونیول.
 
عبدالشکور زیاته کړې، چې دواړه د پلټنو لپاره عدلي او قضايي ارګانونو ته سپارل شوي دي.
 
جمهورخبري آژانس