د جمهوریت له سقوط وروسته پاکستان ته تللو افغان قاضیانو او څارنوالانو یو ځل بیا د دوی د بې برخلیکتوب په اړه لاریون کړی دی.

د جمهوریت له سقوط وروسته پاکستان ته تللو افغان قاضیانو او څارنوالانو یو ځل بیا د دوی د بې برخلیکتوب په اړه لاریون کړی دی.
 
دوی نن په اسلام آباد کې راغونډ شوي وو او د کډوالۍ په اړه یې د خپل بې برخلیکتوب څخه شکایت کاوه او ټینګار یې کاوه، چې دوزخ کې ژوند کوي.
 
لاریونوالو ګواښ وکړ، چې که د دوی د کډوالۍ دوسیو ته رسېدنه ونه شي نو د نه خوړو په اعتصاب به لاس پورې کړي.
 
پاکستان ته کډوالو قاضیانو د ملګرو ملتونو د کډوالۍ له نړیوالې ادارې په ټينګه وغوښتل، چې د دوی د دوسیو په څېړنه کې ځنډ ونه کړي، بلکې ژر یې وڅېړي.

د یادونې ده، چې د جمهوریت له سقوط وروسته او د طالبانو له بیا واکمنېدو سره کابو ټول افغان قاضیان او څارنوالان بهر ته ولاړل.

جمهورخبري آژانس