په دې وروستیو کې د هېواد په لویو لارو او ښارونو کې د ترافیکي پېښو زیاتېدو ته طالبانو توند غبرګون ښودلی وايي، نورې دا ډول پېښې د زغم وړ نه دي.
 
طالب ویاند ذبیح الله مجاهد د کابل – کندهار پر لویه لار زابل ولایت کې د څو ورځو وړاندې ترافیکي پېښې ته چې تر ۴۰ پورې کسانو په کې ژوند له لاسه ورکړ او یا هم ټپيان شول ویلي، د ترانسپورټ مسوولین باید د سفر پر مهال ټول ترافیکي اوصول په پام کې ونیسي، سرعت کنټرول کړي او مسکلي موټرچلوونکي وګماري.
 
نوموړي خبرداری ورکړی، چې دا ډول پېښې نور د زغم او منلو وړ نه دي او ترانسپورتي مسوولین باید جدي پاملرنه ولري.
 
جمهورخبري آژانس