د کابل د امنیه قوماندانۍ ویاند خالد ځدراڼ د هغه مېرمنې د زندان څخه د خلاصون خبر ورکړی چې خپلو وروڼو له تېرو ۲۵ کلونو راهیسې زنداني کړې وه.
 
ځدراڼ پر خپله اېکس پاڼه لیکلي: پولیسو د کشفي معلوماتو پر اساس د کابل ښار د لسمې حوزې اړوند سیمه کې په یوه کور عملیات وکړل او یوه مېرمن یې له بند څخه راخوشې کړه.
 
دی وايي، د لومړنیو معلوماتو پر اساس دغه مېرمن د خپلو وروڼو له خوا، تېرو ۲۵ کلونو راهیسې بندي وه او یوازې درې وخته ډوډۍ یې د کوټې له کړکۍ څخه وراچوله.

د کابل د امنیه قوماندانۍ ویاند لیکلي، چې د دغه کورنۍ څلور تنه د پلټنو لپاره حوزې ته وړل شوي او یاد مېرمن د درملنې لپاره روغتون ته لېږدول شوې ده.

جمهورخبري آژانس