د طالبانو د افغاني سرې میاشتې ټولنې سرپرست مولوِ مطیع الحق په تېرو دوه کلونو کې د ۱۶۰۰ سوري زده د ماشومانو د درملنې خبر ورکړی دی.

نوموړي ویلي، افغانستان کې ډېری داسې ماشومان شته چې د سوري زړه په ناروغۍ اخت دي، چې لامل یې کدای شي اوږدې جګړې او په هغې کې د زیاتو کیمیاوي وسلو کارېدل وي.
 
دی وايي، پرون د سوري زړه په ناروغۍ اخته ۳۰ ماشومان کابل کې دوه روغتونو ته د درملنې لپاره ورمعرفي شول افغاني سرې میاشتې ټولنې په تېرو ۱۴ کلونو کې۲۶ زره او ۴۸۱ تنه د سوري زده ماشومان ثبت کړي، چې کابو نیمايي یې تداوي شوي دي.

د هغه په وینا یوازې په تېرو ۲ کلونو کې ۱۸۰۱ په زړه سوري ماشومان د عملیاتو او درملنې لپاره روغتونو ته ورمعرفي شوي، چې له ډلې یې ۱۶۰۰ تداوي او روغ شوي او پاتې نور په روغتونو کې تر درملنې لاندې دي.
 
 جمهورخبري آژانس