افغان سوک وهونکي قیس خادمي په انګلستان کې خپل تنزانیايي سیال سلیمان بنګیزا ته په تخنیکي ناک آوټ سره ماتې ورکړه.

ښاغلي خادمي په دې بریا سره د سوک وهنې د نړیوال سازمان (IBO) د اتلولۍ له کمربند څخه دفاع وکړه.

دغه لوبه تېره شپه د سلواغې په ۲۷ مه نېټه د انګلستان په لندن ښار کې په لسو درې دقیقو کې ترسره شوه.

باید وویل شي چې دا د سوک وهنې په برخه کې د ښاغلي خادمي لسمه بریا وه.

خادمي تر دې وړاندې د سوک وهنې په نړیوالو سیالیو کې ۹ بریاوې، یوه ماتې او دوه مساوي کړي دي.

باید وویل شي چې د ښاغلي خادمي مخالف سلیمان بنګیزا د تېرې شپې په لوبه کې ښه تجربه لري او په خپل ریکارډ کې یې ۱۹ بریاوې او ۸ ماتې خوړلي دي.

ویل کیږي چې د دې سیالیو له ګټلو وروسته ښاغلي خادمي د سوک وهنې په نړیوالو سیالیو کې د ګډون جواز هم ترلاسه کړ.

جمهوخبري آژانس