په پروان ولایت کې عامه سرچینې وايي چې په دغه ولایت کې یوه سړي خپله مېرمن وژلې ده.

د سرچينې د معلوماتو له مخې، دغه پېښه تېره شپه د غوايي، په دويمه د پروان ولايت د بګرام ولسوالۍ د "ده مولا" په کلي کې رامنځته شوې ده.
ويل کيږي چې دغه ميرمن له خپل ميړه سره تر لفظي شخړې وروسته په رسۍ زندۍ شوې ده.

سرچينې زياته کړې، چې تورن کس د وسله والو طالبانو له خوا نيول شوى دى.

د سرچينې د معلوماتو له مخې، يادې جوړې شپږ کاله وړاندې واده کړى او دوه ماشومان لري.

جمهورخبري آژانس