د خوړو نړیوال سازمان وايي، هره میاشت په افغانستان کې له ۶ میلیونو خلکو سره نغدي او خوراکي مرستې کوي.

دغه سازمان نن د ثور په اتمه د يوې اعلاميې په خپرولو سره ويلي چې دغه مرستې د امريکا، جاپان، کاناډا، فنلنډ او سويډن په مالي مرسته د افغانستان له خلکو سره برابرې شوې دي.

دا په داسې حال کې ده، چې تر دې وړاندې ملګرو ملتونو اعلان کړی و، چې په ۲۰۲۴ کال کې به په افغانستان کې نږدې ۲۴ میلیونه وګړي بشري مرستو ته اړتیا ولري.

دغه سازمان په افغانستان کې له اړمنو سره د مرستې لپاره له مرسته کوونکو هېوادونو څخه د ۳.۰۶ میلیارده ډالرو غوښتنه کړې وه.

جمهورخبري آژانس